GO
da-DKkl-GL
INNAALLAGIALERINERMI AAMMALU RUUJORILERINERMI SULIALINNUT ATAATSIMIITITALIAQ
  • Ruujorilerisut, Innaallagialerisut ullumikkut pigeriigaattulli, akuersissummik pilersitsinissaq angunigaavoq. Taaneqartutut aaqqiissut aqqutigalugu isumannaarneqassaaq atortunik atuinermut ikkussuinermullu atatillugu ruujorilerisut ersittumik erseqqissumillu malittarisassaqartinneqarnissaat. Aaqqiissutissamik pilersitsiniarnermi qanimut suleqatigineqarput Nukissiorfiit aamma Inuussutissarsiornermut Naalakkersuisoqarfik.
     
  • Ataatsimiititaliap aamma Saviminilerinermik Ilinniarfik Nuummi ittoq allallu attuumassuteqartut suleqatigalugit, innaallagialerinermi aammalu ruujorilerinermi sulialinnut ataatsimiititaliap ataani suliffeqarfiit ilaasortaasut sutigut ilinniarsimasunik sulisoqarnissamik pisariaqartitsinerat qulaajarniarlugu sulivoq, pilersissinnaajumallugit pikkorissaanerit pisariaqartunut matussusiisinnaasut, suliffeqarfiit ilisimasaannut naleqqussagaasut, ilisimalikkat nutaanerpaat, pineqartut pitsaanerpaamik sullissisinnaanissaannut iluaqusiisussat,  ilanngussorlugit,  saniatigullu aamma anguniagaralugu isumannaassutsip atuisunut sulisorisaasunullu qaffassarneqarnissaa.
     
  • Ataatsimiitaliami Sulisitsisut ataanni suliffeqarfiit assigiinngitsunik suliallit assigalugit qularnaaveeqqusiisuupput, pisortat pisussaaffiisa makku iluini ittut malinneqarnissaannik: alliartortitsineq, ineriartortitsineq allanngujaallisaaneq aammalu sulisorineqartut sutigut tamatigut piginnaaninngorsarneqarnissaat – meeqqat atuarfianniit ilinniarnertuunngorniartunut aammalu  inuussutissarsiornermik ilinniarfinniit ilisimatusarfinni qaffasissunik ilinniaqqiffinnut. Innaallagialerinermi aammalu ruujorilerinermi sulialinnut ataatsimiititaliaq isumaqarportaaq, meeqqat atuarfianiit aallartittumik politikkikkut ilinniarrfissanik pingaarnersiuinerit Kalaallit Nunaanni periarfissarititaasut, inuiaqatigiinnut pingaaruteqarneri inuiaqatigiillu mianerinissaat aallaavigalugit ilusilerneqarlutik pisassaassasut. Nunatsinni ilinniarfinnik nutaanillu ilinniarfissanik pilersitsinerni tigumminniinnarlunilu pilersitsinerni inuiaqatigiinni pisariaqartitsinerit oqimaaqatigiissitsiniarnermi tunngavioqqullugit, isumannaarumallugit periarfissanik pitsaanerpaamik atuinissat aammalu pitsaasumik eqqarsaatigilluagaasumillu ingerlatsinissat.
     
  • Oqariartuutigiumasat pikkorissaassutissatullu allatulluunniit kissaatigisat uunga saaffiginnissutigineqassapput: Lars Krogsgaard-Jensen allaffigalugu uunga: lars@ga.gl