GO
da-DKkl-GL
ENTREPRENØRIT, TUNISASSIORTUT AAMMALU AATSITASSALERINERMIK SULIALINNUT ATAATSIMIITITALIAQ

Atatsimiititaliap sulinermini makku anguniagarai:

 

  • Ataatsimiititaliap suliniutigaa, pisortat eqaatsumik, piffissaq ungasissoq isigalugu  illuliassanik sanaartortitassanillu suliakkiisarnissaata anguneqarnissaa angujumallugu sulisunik teknikkikkullu periarfissanik pitsaasumik atuilluni ingerlatsisoqarnissaa, tamatut iliornikkut akitigut nikerarnerit pakkersimaarsinnaajumallugit taamatullu iliornikkut suliffeqarfiit ataasiakkaat, inuiaqatigiillu tamakkiisumik isigalugit, aningaasaqarniarnikkut ingerlaneri nukittorsarumallugit.  Aammalu piffissaq ungasissoq isigalugu pilersaarusiornerup ataatsimiititaliap anguniagai ikorfartussavai, tassalu siammasissumik isigalugu, inuussutissarsiornikkut ineriartortitsinissamut atatillugu ilinniartussanik amerlanerusunik tigooqqaasinnaalernissaq, tamanna nassuerutigineqartutut tassaammat pisariaqarluinnartuusoq namminersulivinnissaq anguneqassappat.
     
  • Entreprenørit, tunisassiortut aammalu aatsitassalerinermik sulialinnut ataatsimiititaliaq aamma qularnaveeqqusiisuussaaq, pisortat pisussaaffiisa makku iluini ittut malinneqarnissaannut, alliartortillugit, ineriartortillugit allanngujaassassallugillu sulisorineqartut sutigut tamatigut piginnaaninngorsarneqarnissaat – meeqqat atuarfianniit ilinniarnertuunngorniartunut aammalu  inuussutissarsiornermik ilinniarfinniit ilisimatusarfinni qaffasissunik ilinniaqqiffinnut. Entreprenørit, tunisassiortut aammalu aatsitassalerinermik sulialinnut ataatsimiititaliaq isumaqarportaaq, meeqqat atuarfianiit aallartittumik politikkikkut ilinniarfissanik pingaarnersiuinerit Kalaallit Nunaanni periarfissarititaasut, inuiaqatigiinnut pingaaruteqarneri inuiaqatigiillu mianerinissaat aallaavigalugit pissasut. Nunatsinni ilinniarfinnik nutaanillu ilinniarfissanik pilersitsinerni tigumminniinnarlunilu pilersitsinerni inuiaqatigiinni pisariaqartitsinerit oqimaaqatigiissitsiniarnermi tunngaviussapput, isumannaarumallugit periarfissanik pitsaanerpaamik atuinissat aammalu pitsaasumik eqqarsaatigilluagaasumillu ingerlatsinissat.
     
  • Kiisalu entreprenørit, tunisassiortut aammalu aatsitassalerisunik sulialinnut ataatsimiititaliaq sulivoq suliffeqarfiit sulinermik inuussutissarsiuteqartut suleqatigiinnerat nukittorsarumallugu, angujumallugu suliffiusumi pissutsit torersumik isumannaatsumillu ingerlanissaat – aningaasarsiaqartitsinikkut suliffigiuminartuunikkullu.
     
  • Entreprenørit, tunisassiortut aammalu aatsitassalerisunik sulialinnut ataatsimiititaliap tungaanit aaliangersimasunik sammisassanik kissaateqartoqartillugu, allatsi Brian Buus Pedersen attaveqarfigineqarsinnaavoq uunga allagaqarnikkut: pedersen@ga.gl