GO
da-DKkl-GL
PEQATIGIIFFIIT

Peqatigiiffiit Sulisitsisut nukittutippaa

Sulisitsisut Kalaallit Nunaanni immikkoortortaqarfinnik ilusilersorsimavoq sumiiffinni arlalinni, Sulisitsisut peqatigiiffiat nukittutinniarlugu. Sulisitsisut ingerlanneranut immikkoortortaqarfiit pingaaruteqarput taamatuttaaq Kalaallit Nunaanni sulisitsisunut suliffeqarfinnullu. Illoqarfik pineqartoq peqatigiiffimmik pilersitsisinnaavoq, illoqarfimmi minnerpaamik tallimanik suliffeqarfinnik ilaasortaqarpat.

 

Sumiiffigisami peqatigiiffik kattuffimmut atassutiliisuuvoq

Sulisitsisuni ilaasortaaguit ilaaginnarpoq illoqarfigisami, immaqaluunniit nunap ilaaniittumi Peqatigiiffimmut ilaasortanngorneq. Illoqarfigisanni peqatigiiffiup sunniuteqarfigalugulu nakkutigissavaa Kalaallit Nunaanni sulisitsisut soqutigisaat. Suliassanik tiguseqataagit, taamaasillutit ineriartortitseqataassaatit aammalu inuussutissarsiornikkut inuunermi pissutsinik ajunngitsunik Kalaallit Nunaanni sunniutaaqataallutit.

 

Sulisitsisuni ilaasortaaneq iluaqutinik ulikkaarpoq

Peqatigiiffiit siunertaraat illoqarfigisami sulisitsisut soqutigisaat isumagissallugit.

Ataatsimut isigalugu politikkikkut sunniuteqaqataanissaq periarfissaq annertuneruvoq, minnerunngitsumillu takussaaneq aammalu peqatigiiffimmi nukittuumi katinngarmik nukittoqqutaaneq, tassani Sulisitsisut kattuffittut inissisimalluni. Pissutsini piviusuni suliffeqarfiutit periarfissaqassaaq Nuummi allattoqarfimmi atorfilinniit ikiorneqarnissamut siunnersorneqarnissamullu, Sulisitsisullu allanut peqatigiiffinnut assingusunut suleqatigiinnermut isumaqatigiissuteqarfigisai aammalu assigiinnik suliaqarfiit Danmarkimi, Sulisitsisut anginerusumik pieriarfissippaa ikiuinissaanut peqatigiffiit ilaasortaasa apeqqutigisinnaasai amerlasuut akinissaanut, taamatuttaaq siunnersornissaannut ilitsersuunnissaannullu.

 

Illoqarfigisanni peqatigiiffiit aqqutigalugu Sulisitsisuni tusaaneqassaatit

Sulisitsisut tusarfigineqarsinnaavoq illit atorfeqarfigisanni, nammineq suliffeqarfiutinni, illoqarfigisanni aammalu peqatigiiffimmi illoqarfigisanniittumi. Kalaallit Nunaanni siunissamik qaamasumik pilersitseqataagit.

 

Illoqarfigisanni siulittaasoq oqaloqatigiuk

Illoqarfigisanni siulittaasoq attaveqarfigisinnaavat ilaasortaanermi iluaqutinut tunngasunik paasisaqarnerorusukkuit. Apeqqutissaqaruit, siunnersorneqarusukkuit ilitsersuunneqarnissannilluunniit pisariaqartitsiguit innersuussutigissavarput illoqarfigisanni siullittaasoq attaviginissaanut. Siulittaasup tunuaniippoq kattuffik, pisariaqalissappat ikiuinissaminut piareersimasoq.

 

Suliniutit

Suliniutit qaffasissusaa peqatigiiffimmiit peqatigiiffimmut assigiinngitsorujussuusinnaavoq. Illit ilaasortatut kajumissaarpatsigit, attaviginissannut paasissutissanik allanngortoqarsimatillugu immaqaluunniit ilasoqarsimatillugu paasissutissat ilaartornissaat. Peqatigiiffimmiit aammalu kattuffimmiit paasissutissanik assigiinngitsunik tunineqartarumaarputit, ass. Allakkatigut nutaarsiassat aammalu aaqqissuussanut qaaqquneqarnerit.

 

Peqatigiit malittarisassaat

Peqatigiiffiup malittarisassai illoqarfigisavit siulittaasuaniit pisinnaavatit, immaqaluunniit Nuummi allattoqarfimmut saaffiginnillutit.

 

Ataatsimeersuarnerit

Malugiuk peqatigiiffimmi ataatsimeersuarnernut ataatsimiigiaqqusaaneq mail-ikkuinnaq nassiunneqartarmat. Taamaammat attavigineqarnissamut paasissutissat ilaartortarnissaat pingaaruteqarpoq. Peqatigiiffiit siulersuisuniit siulersorneqartarput, taakkualu siulittaasut ataatsimeersuarnermi ukiumoortumi ilaasortat akornanniit qinerneqartarlutik.
 

Ilungersuussat

Peqatigiiffiit immikkut tamarmik illoqarfigisaminni ilungersuussaqartarput, illoqarfinni aammalu nunap ilaaniittuni assigiinngitsuni, iluarsartuullugit pilersaarusianik assigiinngitsunik amerlasuunik suliniuteqartoqartarnera pissutaalluni. Illit illoqarfigisanni suliniutinik paasisaqarnerorusukkuit, illoqarfigisanni siulittaasoq attavigiuk.

Sumiiffinni peqatigiiffeqanngitsuni, Sulisitsisut ilaasortat akornanni toqqaasarpoq attavigineqarsinnaasumik.

Ukunani illoqarfinni peqatigiiffeqanngilaq, attaviginnittoqarsinnaallunili:

  • Upernavik
  • Qaanaaq
Saaffigisassaq
Ole Sørensen

Postboks 52
3962 Upernavik
Telefon:
Telefax:
E-mail:
 +299 96 14 69 
 +299 96 14 16 

ole@lasoe.gl
Upernavik / Qaanaaq