GO
Suleqatigiinnissamik isumaqatigiissut: Nammaqatigiinneq – Patajaanneq – Siuariartorneq / Kalaallit Nunaanni Sulisitsisut isaannit isigalugu

Suleqatigiinnissamik isumaqatigiissut: Nammaqatigiinneq – Patajaanneq – Siuariartorneq / Kalaallit Nunaanni Sulisitsisut isaannit isigalugu

Ilaasortanut ataatsimiisitsineq tallimanngorneq ulloq 18. juni nal. 14:30 MS Teams atorlugu

IA-p Naleqqallu akornanni suleqatigiinnissamik isumaqatigiissutaat tamanut saqqummiunneqarpoq Nammaqatigiinneq – Patajaanneq – Siuariartorneq,  (Atassut tapersersortigalugu) Kalaallit Nunaata ukiuni tulliuttuni sisamani aggersuni aqunneqarnissaani tunngavigisassaq. Isumaqatigiissutip qineqqusaarnermi neriorsuutigineqarsimasut ilaartorlugit qineqqusaarnerup nalaani saqqummiunneqartut aamma inuussutissarsiornermi peqataasunut arlalinnik attuumassuteqartut ilaatigut inuussutissarsiornermi politikki maannakkut ingerlanneqartussaq aqqutigalugu saqqummiunneqassapput.

Kalaallit Nunaanni Sulisitsisut maannakkut toqqaannartumik ilaasortanik ataatsimiisitsinerit  (town hall-itut ataatsimiinnerit) pilersinniarlugit suliaqarpoq tassani soqutiginaatillit assigiinngitsut saqqummiinerit naatsut aqqutigalugit ilaasortanut saqqummiunneqartartassapput. ”Town hall” siulleq pissaaq tallimanngorneq 18. juni nal. 14:30, tassani Pisortaq Christian Keldsen suleqatigiinnissamik isumaqatigiissutip imaanik saqqummiissaaq aamma Kalaallit Nunaanni Sulisitsisut isumaqatigiissutip imaanut qanoq isumaqarneranik saqquummiilluni.

Sulisitsisuni ilaasortat matumuuna tamarmik toqqaannartumik ataatsimiinnissamut suleqatigiinnissamut isumaqatigiissut pillugu qaaqquneqarput:

  • Suleqatigiinnissamut isumaqatigiissutip suna imaraa?
  • Iliuusissat Kalaallit Nunaanni Sulisitsitsut isumaqatigiissut ilusilerneqarmalli sorliit suliarai?
  • Periarfissat sorliit unammillernartullu isumaqatigiissummiittut Kalaallit Nunaanni Sulisitsisut qanoq isumaqarfigai?
  • Kalaallit Nunaanni Sulisitsisut isumaqatigiissummut nutaamut manna tikillugu suleqatigiinneq qanoq misigivaa?

Ataatsimiinneq minutsit 45-it missaani sivisussuseqassaaq ataatsimiinnermilu allakkatigut aperinissamut periarfissaqassaaq. Ataatsimiinneq qallunaatut ingerlanneqassaaq kisianni apeqqutit qallunaatut, kalaallisut tulluttullu apeqqutigineqarsinaapput.

Ataatsimiinneq ataatsimiittarnissani siulliuvoq Sulisitsisullu neriutigaat ilaasortat ingerlaavartumik tapersersuisarnissaat taamaasilluni ilaasortanut soqutiginartut ataatsimiissutigineqartarnissaat akuttunngitsunik ingerlanneqartarniassammata.

Suli Christian Keldsen, novembarip 1-iani 2020 pisortatut nutaatut Sulisitsisuni sulilersoq naapissimanngikkukku matumuuna naapinnissaanut periarfissatsialaavoq.

Ataatsimiinneq attaveqaatikkut ilaaffigineqarsinnaavoq taannalu peqataanissamut nalunaarnissamik pisariaqartitsinngilaq.