GO
da-DKkl-GL
KIFFARTUUSSINERMIK SULINIAQATIGIIFFIK

SOQUTIGISAQAQATIGIIFFIK

SULISITSISUT KATTUFFIAT

INUUSSUTISSARSIORNERMI SIUARSAANEQ

NUTAARSIASSAT

CORONA 2.0 - PIVIUSOQ NUTAAQ KILLILERSUINERTAQANNGITSOQ, QUJANAQ!

Nuuk, 24. januar

Sapaatip akunnera qaangiuttoq Naalakkersuisut misilitsinnissamut iliuusissaq nutaaq saqqummiuppaat.

PCr-imut misilitsinnissap annertuumik periarfissaqannginnerup malitsigisaanik, Naalakkersuisunut nalunaarutigaat, qanoq ilillutik killilersuinerit aaqqissuutissanerlugit, taamaasilluni misissuinermi iliuusissaq naleqqussarumallugu.

Kisianni killilersuinerit annikillisaanerillu aqqutissaajunnaarput. Inuiaqatigiinnik A-nik B-nillu inissitsiterinermik pilersitsivoq, taakkulu inuttut, socialimut aningaasarsiornikkullu akeqarput. Ilisimaneqalereersut, napparsimanerit ingerlasarneranik aamma tuniluunnermut tunngasut tunngavigalugit, killilersuinerit annersaat atorunnaarsittariaqaraluarput aamma ulluinnarni inuunerput nalinnginaasumut uterittariaqarpoq.

Sulisitsisut isumaqarput, Corona-mut iliuusissaq pingaarnertut allanngortissallugu piffissanngortoq aamma tassunga tunngatillugu siunersuutigaat, tulliutuni ukuusut:

  1. Kalaallit Nunaanni Coronapasseqarnissaq piumasarivaat. Akiuussutissamik pisimanngitsut Coronapassimik pisinnaanngillat tamanut atuuttumik PCR-imik misilitsinnissamik pisinnaanngimmat, teknikkikkut unammillernartut, boosterimik kapitinnissaq kinguarsarpaat, qallunaat kallaallillu malittarisassaasaq assigiinngissusaasa imatut inissippaatigut, passit amerlasuut qaangiuttoorsimatilerlugit, nappaammut akiuussutissaq aamma Kalaallit Nunaanni misilitsinnerit positiiviusut passimi nalunaarsorneqarneq ajorput aamma nalinginnaasumik scannerinerinertut atuuttut atorneqarneq ajorput.
  2. Nunat allat suli Coronamut passeqarnissaq piumasarivaat, taakkulu nutaanik ilaartussapput aserfatsaaliorneqarlutillu, taamaasillutik nunap killingata avataanut angalanerni atorneqarsinnaanngorlugit.
  3. ”Pinngitsaalisamik napparsimanermi uninngatitaaneq” sapinngisamik killilersimaarneqarli. Ullut qulit nalinginnaasumik napparsimanermi uninnganeq naapertuutinngilaq. Inuit sukkanerpaaffissaani suliartortarnissaat anguniassavaarput, soorlu aamma ukiup ilaani nappaatitut atorneqartartutut.
  4. Kalaallit Nunaannut angalalluni tikinnermi nunallu iluani angalanermi PCR-imik misilitsissimanerit piumasaqaataasut atorunnaarsinneqarlik.
  5. Katersuunnissamut killilersuinerit aamma Coronapasseqarnissamut piumasaqaatit atorunnaarsinneqarlik. Inuussutissarsiornermik ingerlataqartut apriilip 5-ianut utaqqisinnaanngillat.
  6. 5-iniit 12-nut ukiullit akiuussutissamik kapitinnissaat annertunerusumik ukkanneqarlit taassumalu sulissutigineqarnera annertusarli.
  7. Ikiorsiissutissatut killilersuutaasinnaasunut ilanngullugit nalunaarutigineqartarlik – suli maannakkut killilersuutigineqartut killinganiittut atuupput.
  8. COVID19-ip nappaassuartut inissisimanera nalinnginnaasumik napparsimanertut inissittariaqarpoq, soorlu nunarsuarmi allanik taamatut inissisimatilerlugu aallartissimasut.
  9. Corona pissutigalugu uninngasut toqukkullu qimagussimasut nalunaarsortarneri naleqqussarneqarlik, taamaasillunilu pisariaqanngitsumik annilaangassuteqarnerit peerlugit. Maannakkut nalunaarsueriaaq eqqunngitsumik assilissamik takutitsisarpoq, taamaasillunilu iliuuserisamik upperinnginninneq pilersinneqartarpoq.
  10. Attaveqaqatigiinneq aamma attaveqaqatigiinnermut periuseq allanngortinneqarli. Nappaammut annilaanganeq millisinneqartariaqarpoq aamma iliuuserisat inuiaqatigiit eqimattat akornanni allanngortittariaqarput, akiuussuserneqanngitsunut aamma taamaaliornissamut kissaateqartunut.

Naalakkersuisut pissutsit taamaannerisa peerniarlugu akiorniarneranni siuttuusariaqarput, tassanimi innuttaasut piviusumik holdinut marlunnut inissisimatippaat, killilersuutit taakku piumasaqaatillu peernerisigut. Nappaarsuaq ukiuni marlunni inooqataaffigisimavarput. Maanna pisariaqalerpoq ingerlaqqinnissarput.


IPUK – PIUJUARTITSINEQ AALLAAVIGALUGU INERIARTORNEQ 

Nuuk, 2. December

Nunatsinni suliffeqarfiit 11-t ukiup 2021-ip ingerlanerani suliniuteqarlutillu piujuartitsinermik tunaartaqarneq pillugu angusaqarlutik suliniut IPUK aqqutigalugu sammisaqarsimapput. Ataatsimeersuarnermi matumani suliffeqarfiit misilittagaat aammalu massakkumut killiffigigallagaat saqqummiunneqassapput.

Suliniut naggaserlugu ilitsersuusiortoqarpoq, taanna nunatsinni suliffeqarfinnut suliniummi IPUKmi a-ngusat pillugit isumassarsiorfissatut suliarineqarpoq. Ilitsersuut kalaallisut qallunaatullu saqqummersinneqarpoq. Ataatsimeersuarnermi aamma suliniut nutaarluinnaq saqqummiunneqassaaq: IPUK piujuarti-tsineq pillugu ilisimasanik katersivik.

Ataatsimeersuartitsinermi ullup affaanik sivisussusilimmi attaveqaatitigut ingerlanneqartumut peqataagit, naapinnermi Kalaallit Nunaanni ineriartortitsineq piujuartitsinermik sammivilik ani-ngaasarsiornikkullu annertusaanermut qanoq tapertaasinnaanersoq sammineqassaaq.

KAL DA

 


INUIAQATIGIINNI SIUNNERSUISOQATIGIINNUT, ATAATSIMIITITALIANUT, ATAATSIMIITITALIARSUARNUT IMALUUNNIIT SIULERSUISUNUT PRIVATITUT INUUSSUTISSARSIORTUT SINNIISAAT

Nuuk, 23. November

Kalaallit Nunaanni Sulisitsisut privatitut inuussutissarsiortunut siunnersiuisoqatigiinni assigiinngitsuni, ataatsimiititalianut, ataatsimiititaliarsuarnut siulersuisunullu sinniisuuvoq. Assersuutigalugu KTI-imi siulersuisunut ilaasortaq, Pinngortitalerivimmi, Erninermi Aningaasaateqarfimmut, Arctic Hub-imi kiisalu Saamaateqatigiinnissamut ataatsimiititaliamut aamma Aalisarneq pillugu Ataatsimiititaliarsuarmut aamma aalajangersimasumik naligiissitaaneq pillugu siunnersuisoqatigiinnut kiisalu pinerluttaalinerut siunnersuisoqatigiit sinniisuuffiit ataasiakkaat taalaaginnarlugit.

Sulisitsisut pisussaaffiit taakku sulianik ilisimasalinnut aamma inunnut soqutiginnittunut taakkunanilu suliassanik ilisimasalinnut agguaakkusuppai kiisalu sammisami inuk taamatut sulinissami naleqquttumut. Taakkunani amerlanerni akissarsisitsisoqarneq ajorpoq.

Taamaattumik Sulisitsisut databasemik ilaasortat pillugit suliaqarluni aallartippoq, taakkununnga siunnersuisoqatigiinnut, ataatsimiititalianut, ataatsimiititaliarsuarnut siulersuisunullu peqataajumasunut. Paasissutissat person datanut inatsisit malillugit toqqoqqaneqartarput.

Sulisitsisut databasianut ilaassallutit soqutigigukku, e-mail ck@ga.gl-imut nassitsisinnaavutit tulliani taaneqartunik paasissutissanik:

  • Ateq
  • Telefonnummer
  • E-mail
  • Angerlarsimaffittut illoqarfigisaq (Illoqarfiup normua)
  • Suliffik
  • Soqutigisat [ass. naligiissitaaneq, aalisarneq, eqqumiitsuliorneq, takornariaqarneq il.il.]
  • Misilittakkat [ass. Siulersuisuni, ataatsimiititaliani, siunnersuisoqatigiinni assingusuniluunniit]
  • Oqaatsit [oqaatsit sorliit atorsinnaavigit]

Innersuussigaangatta tamatigut angut ataaseq aamma arnaq ataaseq innersuussutigiuaannartussaavarput, taamaattumik imminut pisussaatikkusuppugut inuit suiassusiat databasitsinnut ilannguttarniarlugu.


SULIFFEQARFIIT TAMARMIK ATERNIK ISERTUUSSILLUTIK NALUNAARSINNAALERNISSAAT ISUMMERFIGISARIAQARPAAT

Nuuk, d. 12. Oktober

Nunarsuarmi aternik isertuussilluni nalunaarsinnaalerneq annertusiartuinnarpoq aamma kalaallit suliffeqarfiutaat aaqqissugaanerminni pilersikkiartuaarpaat. Aternik isertuussilluni nalunaarsinnaanerit suliffeqarfiit suulluunniit qitiusumik sulisoqarnerminni politikkerilertariaqarpaat suliffeqarfillu angineruppat suli taamatut aaqqissuussineq pingaaruteqarnerulissaaq.

Aternik isertuussilluni aaqqissuussineq imatut ingerlasarpoq, suliffeqarfimmi sulisut tamarmik atii isertuulluullugit ajortuliortoqarsimanerani pasitsaassaqaraangami suliffeqarfiup iluani nalunaaruteqarsinnaapput. Suliffeqarfimmi namminermi inatsisinik unioqqutitsinerit imaluunniit sulisut ilaannit/pisortamilluunniit unioqqutitsinerit.

Aternik isertuussilluni aaqqissuussineq illup iluani imaluunniit avataaniit aqunneqarsinnaavoq sulifffeqarfimmi teknikkikkut atortunik immikkoortillugit aaqqiisimagaanni attaveqaatit eqqarsaatigalugit taakkualu piumasaqaatitaqarput inunnut paasissutissat mianernartut illersorniarlugit. Pingaaruteqarluinnarpoq 100 %-imik inuit atiisa ilisimaneqannginnissaat taamaasilluni suleqataasoq assersuutigalu atorfimmi annaanissaanik ersissuteqarunnaarsillugu imaluunniit inuttut atugaanik nalunaaruteqarsimanini tunngavigalugu. Taakkua pisuugajupput amerlasuut suliffeqarfimmi ajortuliortoqarsimatillugu paasissutissanik ingerlatitseqqittannginnerannik.

Aternik isertuussilluni nalunaaruteqartarnerit akisussaaffimmik pingaarutilerujussuarmik oqariartuuteqarpoq tassalu suliffeqarfiup ingerlatsisuinut sulisuinullu kisianni aamma inuiaqatigiinnut. Tamanna peqatigitillugu taamatut aaqqissuussineq allanut naleqqiullugu ajornarpallaanngilaq – maannakkummi atorneqarsinnaasunik aaqqiissuteqartoqareerpoq. Taamaattumik Sulisitsisut suliffeqarfiit ilaasortaasut tamarmik aternik isertuussilluni nalunaaruteqartarnissamik aaqqissuusinermik peqalersinnaanertik eqqarsaatigeqqullugu, taamatut iliuueqareersimanngikkunik.

 

ULLORSIUTIT
«januaari 2022»
at.marl.ping.sis.tall.arf.sap.
272829303112
3456789
10111213141516
17181920212223
24252627282930
31123456
SULISITSISUNI PISUT
PISUSSAT ALLAT
MAANNAKKUT PISUT

NAATSUKULLAMMIK KALAALLIT NUNAANNI SULISITSISUT PEQATIGIIFFIAT

ATUAGAARAQ SORAARNERUSSUTISIAQARNISSAMUT TUNNGASOQ

SULIARIUMANNITTUSSARSIUUSSINEQ